Cruiseturismen i Skjolden og Luster skal vere innanfor tolegrensa til lokalsamfunnet og naturen
FAB er ei partipolitisk uavhengig foreining med lokal forankring i Skjolden.
Vi er ikkje «imot cruise». Vi støttar reiselivsverksemd innanfor toleevna, slik at det er plass til både cruise og andre reiselivsverksemder og næringar side om side.
- medlemmer
- 232
- av medlemmene bur i Luster
- 60 %
- av medlemmene er under 45 år
- 51 %
Dette ber vi kommunestyret om
Neste år er det booka 66 cruiseanløp til Skjolden, fordelt på 60 dagar i sesongen. På 42 av desse dagane kjem det over 1 500 passasjerar på ein gong. I innspelet til Luster kommunestyre føreslår FAB tre grep:
- Per dag: maks 1 500 passasjerar fritt i land på Skjolden.
- Per sesong: maks 100 969 gjester, same nivå som i referanseåret 2025.
- Cruisefrie helgar og fridagar i skuleåret (sommarferien er unnateken).
Innanfor desse rammene kan kaia nå målet sitt om om lag 80 anløp i året, så lenge veksten blir spreidd utover sesongen frå april til oktober.